Header Ads

ad728
  • Recent

    तिमी छाल, म किनार ( कविता ) नीता के.सी. ।




    Nepali poet Neeta KC
    सायद समुन्द्र हो जीवन
    अनि म किनार - !
    सायद समुन्द्र हो जीवन
    अनि तिमी छाल - !

    सायद समुन्द्र हो प्रेम
    अनि म प्रेमीका
    सायद छाल हो प्रेम
    अनि तिमी साधीका



    किनार र छाल हामी
    क्षणिक नाता यो
    किनार र छाल हामी
    विछोड नै विछोड यो

    विह्वल छु म
    तिम्रो प्रतिक्षामा सधै
    अघीर छु यो
    तिम्रो मिलनमा सधै

    छाल हौ तिमीलाई
    फर्कनु पर्ने बाध्यता
    किनार हुँ म
    प्रतिक्षा गर्नु पर्ने विवशता

    प्रतिक्षाको यही क्रममा
    जीवन सिद्धिएको हेर्नु पर्ने मैले
    प्रतिक्षाको यही क्रममा
    मलामी रित्तिएको हेर्नु पर्ने मैले

    तिम्रो प्रतिक्षामा
    मुर्दाको साक्षी बने म
    तिम्रो प्रतिक्षामा
    मशानको कुर्ने लाक्षी बने म

    तिमी छाल म किनार
    तिमी चन्द्रमा म चकोर
    हामी बिचको दुरी बन्यो
    विवशताको यो पर्खाल - !!!


    कवयत्री
    नीता के.सी."भट्टराई"
    लैनचौर - काठमाडौँ !!